طرق كشف الخيانة الزوجية حلوة هذي للنساء فقط!!

#1 (**permalink**) 13-03-2011, 10:23 AM

طرق كشف الخيانة الزوجية حلوة هذي للنساء فقط!!

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

أقرؤها وسوف لن تندموا!!!!

......أولاً
موبايله دائما مقفول بكلمة سر (باسوورد)...وإذا عنده موبايلين فاثنينهم مقفولات بنفس كلمة السر.. وإذا تسأليه عن السبب يكول: (حتى من يضيع لو ينباك محد يكدر يستعلمه)

ثانياً
كل ما اتخابريه يطلعلك (انتظار)... أما بالبيت فنادراً ما يدك... لييييييييييييش؟؟.. محد يدري

ثالثاً
من يوصل للبيت يخلي موبايله على (الصامت)... والله شنو... ما اريد أحد يزعجني!!!... عليييييينه

رابعاً
إذا طلع من البيت للشغل لو للسوق لو يم جماعته ونسه موبايله... يرجع للبيت وره دقيقتين مثل (الطللللللللللقة) وياخذ الموبايل... صح لو لا؟؟

خامساً
إذا كان نايم يقفله للموبايل... كلشي يصير... إحتمال يدك لو تجيه رسالة وهو نايم وميدري... واتروحين (من باب الفضول) اتشوفين منو لو تقرين الرسالة (كاررررررررثة موووو!!!!).

سادساً
عنده (ردود استباقية).. يعني إذا دك موبايله.. يرفض المكالمة ويقول:... (آآآآهووووو، والله ثبرني فلان.. صار خمسين مرة يدك عليه... ما أريد اجاوبه)... زين إنت منو سائلك؟؟ حتى اتبرر.. لو يلي بعبه معزة يمعمع

سابعاً
أكو (إرتباط شرطي) بين المسج أو المسكول... وبين طلعته من البيت.... مدري شنو العلاقة بحيث أول متجيه المسج يتحجج بأي حجة علمود يفر ويله ويطلع من البيت

ثامناً
يسولف بالموبايل من أماكن غريبة... مطبخ.. حمام.. حديقة.. طرمة.... المهم ماكو أحد يمه يسمع سوالفه ويه منو... فديري بالك

تاسعاً
الأسماء في موبايلة غريبة مثل
أبو غادة... يعني غادة
عنتر... يعني عبير
أنور... يعني نورا
الفيترجي... التنكجي... أبو المولدة... أبو الحصة
يعني أزهار... هناء... فائزة... ميسون

عاشراً
إذا كنتي وياه بالسيارة... يقولك فد دقيقة أريد أشتري سجاير... وينزل من السيارة ويطب لأبو سوبر ماركت ... عشر دقائق علما يرجع... والله شنو.. إزدحام... لا ومرات وره هالتأخير يقول... (والله ماعنده سجاير من الأريدها)

أحد عشر
فجأة يصير وياج رومانسي جداً ويحبك ويتغزل بيك وبدون سبب او سابق إنذار..... هاي يسموها عقدة الذنب

إثنى عشر
ما يمنعك من الروحة لأي مكان... للسوق، للنادي، يم صديقاتك... المهم متبقين يمه حتى ياخذ راحته... وإنتي كمش متصدفين.. راساً تتطلعين

ثلاثة عشر
كلما يجيب طاري الجهال يكول: (عيالك)... وميكول (عيالي) لو (عيالنا)... شي لا إرادي تسبق عملية اي زواج ثانية

أربعة عشر
إذا رحتي لبيت أهلك يخابرك ويقول:... (إذا متونسه خليك يمهم، وباتي همين إذا إتريدين)... وإنتي طبعاً ما اتصدقين وتسمعين كلامه...... خليك خليك.. خلي يفدوك أهلك إذا اتزوج عليك

خمسة عشر
يسولف بالأمور النسائية بشكل تفصيلي (حمل، مكياج، أظافر، رجيم، ميش)... بحيث تستغربين منين جايب هالمعلومات التفصيلية؟؟... يرادلها روحه للقاضي... من عندها غير

ستة عشر
من يكون عنده موعد وياها... يسويله أي مشكلة وياك ويتعارك.. ويطلع من البيت... حتى أخاف اتخابرين عليه ميجاوبك.. والله شنو!!!!... زعلان منك.

سبعة عشر
من يوصل للبيت بالسيارة.. يبقى كاعد بيها فد عشر دقائق.. وراها يطب للبيت... مو تدرون... السوالف بالأخير على الموبايل إتكون حلوة وما تتعوض.

ثمانية عشر
كل كلامه ويه جماعته بالألغاز... لأن كلهم على شاكلته.. كل مواضيعهم عن بنات

---------
الخلاصــــه :

اذا توفرت في زوجك 3 حالات من الحالات السابقة
تره إنتي تتوهمين تعوذي من الشيطان الرجيم بس انتبهي
....................................
اذا توفرت في زوجك 6 حالات من الحالات السابقة
خافي على زوجك وابدي شكي بتصرفاته
...................................
اذا توفرت في زوجك 10 حالات من الحالات السابقة: صور
اكيييد انه يخونك لو يريد يتزوج عليك
...................................
اذا توفرت في زوجك 15 حالة من الحالات السابقة:
اقطع إيديناتي الاثنين اذا ما كان خاين أو متزوج بوحده لخ
...................................
أما إذا اتوفرت كل الحالات الـ 18 بزوجك
عيوني.. لمي غراضج وروحي لبيت اهلك... حالة زوجك ميؤوس منها

الموضوع الأصلي: [عزيزي الزائر يتوجب عليك التسجيل للمشاهدة الرابطللتسجيل اضغط هنا] || الكاتب: [عزيزي الزائر يتوجب عليك التسجيل للمشاهدة الرابطللتسجيل اضغط هنا] || المصدر: [عزيزي الزائر يتوجب عليك التسجيل للمشاهدة الرابطللتسجيل اضغط هنا]

المصدر: غلا الوافي - من قسم: غلا الوافي للفرفشه

'vr ;at hgodhkm hg.,[dm pg,m i`d ggkshx tr'!!

#2 (**permalink**) 13-03-2011, 01:57 PM

هههههههههههههههههاااي

بجد روووعة وفي محلهاا...

يسلمووولي يالغلا....

#3 (**permalink**) 14-03-2011, 01:08 AM

مشــــكـــــوره عـــلـــى نـــصــائـــحــك

بـــس الـــفـــا جـــعـــة أنــه 70 بالمئة

مــن الـــرجـــال فـــيــهــم 5 عــلــى الأ قل من الصـفـات

الــمــذكــورة أعــلاه نسأل الله العفو والعافية .

#4 (**permalink**) 31-03-2011, 10:46 AM

ياويلي عليهم الرجال ذولي
ذئااااااااااااااااااااااااااب
والعياذ بالله

#5 (**permalink**) 02-04-2011, 10:01 AM

ههههههههههههههههههههههههههه

رووووعة ملاااااااااااااااك هههههههههههه

#6 (**permalink**) 08-10-2011, 04:50 PM

هههههههههههههه
يسلموو ع النصايح

#7 (**permalink**) 03-02-2012, 04:46 AM

مشكور ياباشا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الخيانة	سراب	منتديات غلا الوافي للحوار الهادئ والنقاش الحر	8	22-01-2011 07:23 PM
ليه الخيانة ؟	اساير جروحي	غلا الوافي للخواطــــــر والكلمــه	9	17-05-2009 06:53 PM
الخيانة	روحي تحبك	غلا الوافي للخواطــــــر والكلمــه	14	25-04-2009 04:50 AM
عادي يموت الحلم في داخل انسان .. وصعبه يموت انسان يطرد ورى حلم	البحـر	غلا الوافي للشــعر	3	31-12-2008 05:30 PM
كما يموت الورد يموت الحب	akher lamada	غلا الوافي للشــعر	12	24-11-2007 03:17 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق